Íslenska
Markmið
Að nemendur:
- kynnist rími og hrynjandi, bókstöfum, orðum og setningum
- örvist til lestrar með fjölbreyttum verkefnum
- vinni með eigin sögur og frásagnir
- fái tækifæri til að tjá sig frammi fyrir bekkjarfélögum sínum
- hlusti á upplestur á sögum og ljóðum
- þjálfist í fínhreyfingum með fjölbreyttum verkefnum
- þekki skriftaráttina og læri að draga rétt til stafs
- auki orðaforða sinn og efli málskilning
- læri nokkrar einfaldar vísur og ljóð til söngs
- kynnist þekktum íslenskum þjóðsögum
Námsgögn: Markviss málörvun (kennarabók);, Það er leikur að læra, lestrabók og vinnubækur, Við lesum, lestrabók A og vinnubók, skriftarblöð, Sögugrunnur, margvíslegar lestrabækur og vinnubækur. Ýmis tölvuforrit s.s. Snilliheimar, Orðakistur Krillu, Stafaleikir Búa, Glói geimvera, Stafakarlarnir o.fl.
Námsleiðir og kennsluaðferðir: Áhersla er lögð á að nemendur vinni á sem fjölbreyttastan hátt og noti talað mál, hlustun, látbragð og myndmál til að koma hugsunum sínum og tilfinningum á framfæri. Notaðar verða fjölbreyttar kennsluaðferðir til þess að auka orðaforða nemenda, getu þeirra og ímyndunarafl. Íslenskunám á sér ekki bara stað í íslenskutímum heldur í öllu skólastarfinu. Í lestrarkennslu verður hljóðaaðferð notuð og einn til tveir stafir lagðir inn í hverri viku og unnið með þá á fjölbreyttan hátt t.d. með sögum, föndri og ritun. Áhersla verður einnig lögð á að þroska hlustun og tjáningu.
Námsmat: Gefin verður umsögn byggð á vinnubókum, stafa- og lestrarkönnunum og verkefnum nemenda. Lesskimunarprófið Læsi 1, 2, og 3 lagt fyrir. Einnig verður ástundun og virkni í tímum metin jafnt og þétt.
Stærðfræði
Markmið
Að nemendur:
- þekki og þjálfist í að nota talnahugtök upp að hundraði.
- efli með sér talnaskilning, skilji og geti nýtt sér grunnreikningsaðgerðirnar, samlagningu og frádrátt
- geti skoðað umhverfi sitt, flokkað og talið og komið upplýsingum frá sér í súluritum og myndritum
- tileinki sér hugtök tengd stærðfræðinni og noti þau
Námsgögn: Sproti 1, Sproti 2, vinnubækur og verkefnabækur. Eining 1 og Eining 2. Ýmis kennsluforrit. Hlutbundin hjálpargögn s.s. rökkubbar, kubbar, pinnabretti, mælitæki, perlur, kennslupeningar, búðarkassi, smáhlutasafn, leir, pappír, spil, leikir og fleira.
Námsleiðir og kennsluaðferðir: Mikil áhersla er lögð á hlutbundna vinnu, unnin eru greiningarverkefni, farið í stærðfræðileiki, spilað, sungið, talað saman og unnið í bækur. Stærðfræðin fléttast saman við aðrar námsgreinar, íslensku, myndmennt, handmennt, tónmennt og samfélagsfræði t.d. í þemaverkefnum.
Námsmat: Umsögn verður byggð á vinnubókum, könnunum og verkefnum nemenda. Vinnubrögð og ástundun verða metin jafn óðum.
Samfélagsfræði
Markmið
Unnið er skv. Aðalnámskrá grunnskóla með það að markmiði að:
- kynna skólareglur fyrir nemendum og hjálpa þeim að framfylgja reglunum í leik og starfi
- nemendur skynji mikilvægi fjölskyldu, vina og skólafélaga,
- kynnist sínu nánasta umhverfi s.s. skólanum, skólalóðinni og næsta nágrenni og margbreytileika hennar
- nemendur læri hver þjóðhátíðardagur Íslendinga er, að við eigum þjóðsöng og höfum forseta
- örva skapandi hugsun nemenda og leikni þeirra í að starfa með öðrum
- nemendur þekki árstíðirnar, dagana, mánuðina og geti notað dagatal
- nemendur viti að ólíkar þjóðir og ólík tungumál eru í heiminum
- nemendur læri að þekkja nokkrar þjóðsögur
Námsgögn: Skólabókin mín, Komdu og skoðaðu umhverfið, Komdu og skoðaðu líkamann. Ég sjálfur (námsefni af skólavef) og ýmis gögn.
Námsleiðir og kennsluaðferðir: Unnið verður út frá því sem nemendur þekkja nú þegar, þ.e. nánasta umhverfið, þau sjálf, fjölskyldan, dagatalið og hátíðar. Farið verður í vettvangsferðir, rætt saman um tilveruna, sungið og lesnar sögur úr bókum sem tengjast efninu.
Námsmat: Gefin verður umsögn byggð á vinnu nemenda.
Náttúrufræði
Markmið
Að nemendur:
- þekki og vinni með hugtökin hiti, kuldi og frost
- taki eftir umhverfi sínu m.a. skólalóð og lífríki hennar og fylgist með breytingum á gróðri og veðri
- skerpi þekkingu sína á þeim sjálfum, algengum jurtategundum og íslensku dýrategundum
- ræði um áhrif sólarljóssins á nánasta umhverfi, hitastig lofts og vatns, hitastig í skugga og í sólarljósi og líkamann
Námsgögn: Umhverfið, ýmsar fræðibækur, vefurinn, myndbönd ofl.
Námsleiðir og kennsluaðferðir: Umræðu- og spurnaraðferðir verða mikið notaðar bæði í litlum og stórum hópum. Þrautalausnir, tilraunir og hlutbundin vinna með fjölbreyttan efnivið verður notuð til að ýta undir vitþroska nemenda. Unnið verður út frá þekkingu nemenda, farið í vettvangsferðir og fl.
Námsmat: Gefin verður umsögn byggð á vinnu nemenda og ástundun þeirra.
Trúarbragðafræði og siðfræði
Markmið
Að nemendur:
- kynnist frásögnum af fæðingu Jesú, læri einfalda jólasálma og kynnist íslenskum jólasiðum
- kynnist sögunum af bernsku Jesú og heyri um daglegt líf og aðstæður á hans dögum
- þekki tilefni páskanna
- geri sér ljóst hvað bæn er.
- kynnist öðrum trúarbrögðum.
- vinni með viðfangsefnin vináttu, rétt og rangt, mitt og þitt og fyrirgefning
- geri sér ljóst að engir tveir eru eins og temji sér umburðalyndi og tillitssemi í samskiptum við aðra
Námsgögn: Vinnublöð og bækur, söngvar
Námsleiðir og kennsluaðferðir: Innlagnir frá kennara, umræður og ýmis skapandi vinna.
Námsmat: Gefin verður umsögn byggð á vinnu nemenda og ástundun þeirra.
Upplýsingatækni
Markmið
Að nemendur:
- geri tölvur að sjálfsögðu tæki við nám og leik
- þjálfist í að umgangast tölvur
- nemendur geti nýtt sér námsvefi og tölvuforrit í námi
- nemendur komi reglulega á skólasafnið, fái lánuð gögn og læri meðferð bóka og annarra gagna
- tileinki sér rétta líkamsbeitingu við tölvuvinnslu
- geti opnað netið og leitað þar
Námsgögn: Ýmis forrit s.s. Word, Ritfinnur. Kennsluforritin Glói geimvera, Bogi blýantur, Slönguspil o.fl.
Námsleiðir og kennsluaðferðir: Nemendur læra að kalla fram ákveðin forrit, vinna í þeim og kynnast lyklaborðinu.
Námsmat: Símat þar sem fylgst er með 7 þáttum: frumkvæði, skilningi, getu til að fylgja leiðbeiningum, virkni, hegðun, áhuga og umgengni. Einkunn er í formi umsagnar.
Smíði og hönnun
Markmið er:
- að örva samstarf huga og handar.
- gerð nytjahluta (t.d. leikfanga).
- könnun og rannsókn á hinum ýmsu efniviðum.
- að æfa umgengni og notkun á tækjum og tólum. Notkun miðast við aldur hvers og eins.
- að nemendur læri nöfn og heiti hinna ýmsu hluta smíðastofunnar og geti beitt þeim í samræðum sín á milli og við kennara.
- umgangast efni af skynsemi og nýtni.
- gera sér grein fyrir slysahættu á vinnustað.
- varast mengun og skaðleg efni.
- umfram allt að nemandi velji sér verkefni miðað við aldur og getu þannig að hann geti unnið sem mest sjálfur, geti litið á verkið sem sitt og virði sem slíkt.
Námsmat: Símat þar sem fylgst er með 6 þáttum: frumkvæði, getu til að fylgja leiðbeiningum, frágangi á verki, hegðun, áhuga og umgengni. Fyrstu 4 þættirnir skora mest. Sjá matsblað fyrir smíði. Gefið er í bókstöfum A-D þar sem A er hæst.
Heimilisfræði
Markmið:
Að nemendur:
- kynnist fæðuhringnum.
- kynnist því að til eru hollar og óhollar fæðutegundir.
- kynnist því hvaða fæðutegundir eru góðar og slæmar fyrir tennurnar.
- kynnist því hvernig má bæta og vernda umhverfið.
- geri sér grein fyrir hreinlæti og gildi samvinnu.
Námsgögn: Heimilisfræði fyrir byrjendur, verkefnablöð og myndbönd
Námsleiðir og kennsluaðferðir: Umræður tengdar námsefni. Vinnubók unnin í kennslustundum. Verklegar æfingar í eldhúsi í samvinnu við kennara.
Námsmat: Metin verður ástundun í tímum, verklagni, frumkvæði, framfarir, samstarfshæfni og hegðun.
Sjá matsblað: Matsblað í heimilisfræði
Íþróttir
Markmið
Að nemendur:
- örvi hreyfiþroska gegnum margvíslega leiki og æfingar, sem jafnframt styrkja samskipti og samvinnu nemenda.
- læri að þekkja heiti helstu líkamshluta og hreyfinga.
- tileinki sér þær reglur og fyrirmæli sem í gildi eru í skólaíþróttum.
- upplifi skólaíþróttir á jákvæðan og skemmtilegan hátt.
- leysi verkefni af hendi þar sem tekið hefur verið tillit til annarra.
- öðlist skilning á neikvæðum samskiptaformum eins og stríðni og einelti.
- taki þátt í fjölbreyttum leikjum sem efla sjálfstraust, viljastyrk og áræði.
Hæfniviðmið:
- Einfaldar æfingar og leikir sem ná til samspils skynfæra og útfærslu hreyfinga.
- Þjálfun í notkun ólíkra áhalda.
- Fjölbreyttir leikir og æfingar sem veita útrás fyrir hreyfiþörf og bæta líkamshreysti og þrek.
- Leikrænar undirbúningsæfingar fyrir einstakar íþróttagreinar.
- Hreyfinám og íþróttaiðkun utanhúss.
- Einföld verkefni sem ná til sköpunar og leikrænnar tjáningar.
Námsmat: Símat sem byggir á ástundun, hegðun, virkni og umgengni. Líkamleg færni nemenda könnuð með hliðsjón af hæfniviðmiðum.
Sund
Markmið
Að nemendur:
- upplifi skólasund sem jákvæða og skemmtilega námsgrein
- tileinki sér samskiptareglur í sundkennslu sem ná til · læri að taka tillit til annarra
- samvinnu nemenda
- samvinnu nemenda og kennara
- samvinnu nemenda og starfsmanna sundstaða
- taki þátt í ýmsum sundæfingum og sundleikjum sem efla sjálfstraust, viljastyrk og áræði
- læri heiti helstu hreyfinga í vatni
- læri að hlíta fyrirmælum og öryggisatriðum sundstaða
Hæfniviðmið:
- Öndunaræfingar, inn og útöndun 10 sinnum
- Flotæfingar á bringu og baki, með eða án hjálpartækja
- Bringusundsfótatök við bakka, með eða án hjálpartækja
- Skriðsundsfótatök við bakka, með eða án hjálpartækja
- Ganga með andlit í kafi, a.m.k. 2-2,5 metrar
Námsmat: Símat sem byggir á ástundun, hegðun, virkni og umgengni. Sundfærni nemenda könnuð með hliðsjón af hæfniviðmiðum 1. sundstigs.