Vordagarnir í Barnaskólanum á Eyrarbakka og Stokkseyri voru bæði fjölbreyttir og skemmtilegir. Margt fróðlegt og skemmtilegt var brallað, nemendaferð var farin á Þingvelli, Alviðra heimsótt, sund á Borg í Grímsnesi, hjólreiðaferðir farnar, umhverfisdagur með ruslatínslu, kayaksigling, íþrótta- og leikjadagur og svo fór Járkrakkinn fram í þriðja sinn. Járkrakkinn er þríþraut þar sem þriggja manna lið skiptist á að synda, hjóla og hlaupa. Skemmst er frá því að segja að lið skipað Elínu, Vésteini og Sigurgeiri sigraði í ár nýjum heimsmetstíma – 37 mínútum og 58 sekúndum! Glæsilegur árangur og frábær endir á einstöku skólaári.

Skólastjóri Barnaskólans á Eyrarbakka og Stokkseyri og sviðsstjóri fjölskyldusviðs Sveitarfélagsins Árborgar harma mistök sem urðu við verðlaunaafhendingu á skólaslitum í sveitarfélaginu. Farið verður yfir framkvæmd skólaslita allra grunnskólanna á samstarfsvettvangi skólastjóra og sviðsstjóra með það að markmiði að fyrirbyggja slík mistök í framtíðinni.

Páll Sveinson, skólastjóri

Þorsteinn Hjartarson, sviðsstjóri

Skólaslit Barnaskólans á Eyrarbakka og Stokkseyri fara fram miðvikudaginn 9. júní n.k. Í ár fara skólaslitin fara fram í þrennu lagi, sem hér segir: 

Skólaslit 1. -6. bekkja 

09:00 Skólaslit 1. – 6. bekkja í sal skólans á Stokkseyri. Einum forráðamanni er heimilt að koma með hverjum nemanda vegna sóttvarnareglna. Skólaakstur verður með þessum hætti: 

08:45 Eyrarbakki – Stokkseyri 

09:45 Stokkseyri – Eyrarbakki 

Skólaslit 7. -9. bekkja 

10:30 Skólaslit 7. -9. bekkja í sal skólans á Stokkseyri. Einum forráðamanni er heimilt að koma með hverjum nemanda vegna sóttvarnareglna. Skólaakstur verður með þessum hætti: 

10:15 Eyrarbakki – Stokkseyri 

11:15 Stokkseyri – Eyrarbakki 

Skólaslit 10. bekkjar 

14:00 Skólaslit 10. bekkjar í sal skólans á Stokkseyri. Forráðamönnum nemenda er heimilt að sækja viðburðinn.