Nemendur í 7.-10. bekk Barnaskólans á Eyrarbakka og Stokkseyri hafa undanfarnar vikur unnið að gerð borðspils. Markmið var að nemendur kynntu sér sögu og menningu nærumhverfisins og hefur það heldur betur tekist í allri þeirri vinnu sem lögð var í þróun spilsins. Mikinn fróðleik um sögu og staðhætti Eyrarbakka, Stokkseyri og nærumhverfis er að finna í spilinu. Það voru unglingastigskennararnir Sigurþór Hjalti Gústafsson og Herdís Sif Ásmundsdóttir sem höfðu umsjón með gerð spilsins.
![](https://barnaskolinn.is/wp-content/uploads/2022/05/PXL_20220506_103203513.PORTRAIT-1024x771.jpg)