Mikilvægar upplýsingar um skólaakstur!

Kæru foreldrar og forráðamenn,

Frá og með mánudeginum 23. nóvember verða breytingar á akstursleið skólabílsins á Eyrarbakka. Breytingarnar eiga við um akstur í upphafi og lok skóladags.

Við erum að einfalda akstursleiðina með það að markmiði að stytta þann tíma sem nemendur verja í skólabílnum og tryggja að nemendur í 1.-6. bekk komist tímanlega í skólann á Stokkseyri.

Ný akstursleið á Eyrarbakka

Í stað þess að aka hring um þorpið mun skólabíllinn nú aka eftir Búðarstíg, Eyrargötu og Háeyrarvöllum, frá samkomuhúsinu Stað að skólabyggingunni á Eyrarbakka.

Fjórar stoppistöðvar verða á leiðinni:

1. Samkomuhúsið Stað – brottför kl. 7:55
2. Bakkinn – strætóskýlið við sjoppuna
3. Kirkjugarðurinn
4. Barnaskólinn á Eyrarbakka

Að því loknu heldur skólabíllinn áfram til Stokkseyrar.

Sama akstursleið verður farin í lok skóladags þegar nemendum er ekið heim.

Uppfærð akstursáætlun hefur verið birt á heimasíðu skólans.

Við vonum að þessar breytingar verði til þess að gera skólaaksturinn einfaldari og skilvirkari fyrir alla.

Bestu kveðjur,
Stjórnendur BES