Síðustu dagar skólaársins hafa verið bæði hátíðlegir og tilfinningaríkir. Í gær útskrifuðum við 16 nemendur úr 10. bekk sem nú halda af stað á nýjar slóðir og takast á við spennandi verkefni á næsta skólastigi. Við óskum þeim innilega til hamingju með áfangann og þökkum þeim fyrir samfylgdina í gegnum árin. Það verður gaman að fylgjast með þeim blómstra í framtíðinni.
Í morgun fóru síðan fram skólaslit nemenda í 1.–9. bekk. Þar var skólaárið gert upp, árangri fagnað og sumrinu heilsað. Nemendur og starfsfólk geta litið stolt til baka á viðburðaríkt og lærdómsríkt skólaár sem einkenndist af samvinnu, gleði og fjölbreyttum verkefnum.
Við þökkum nemendum, foreldrum og starfsfólki fyrir gott samstarf á liðnu skólaári og óskum öllum gleðilegs sumars. Megi komandi mánuðir verða fullir af hvíld, ævintýrum og góðum stundum með fjölskyldu og vinum.
Gleðilegt sumar!