Guðrún Björg Aðalsteinssdóttir

Snorri Baldursson leit við hjá 3. bekk og ræddi við nemendur um brunavarnir og ýmsar varúðarráðstafanir ásamt því hvernig á að bregðast við ef vá ber að höndum.

___________________________________________________

Í skólanum á Eyrarbakka og Stokkseyri er hátíðardagskrá í tilefni dagsins.
Dagskrá hófst með ávarpi skólastjórnenda. Í framhaldi héldu nemendur í heimastofur og tóku til við bókagerð þar sem hver bók inniheldur a.m.k. eitt frumsamið ljóð eða sögu, ljóð eftir íslenskan höfund, myndir og skreytingar.
Eldri nemendur á Eyrarbakka heimsóttu nemendur á Stokkseyri og lásu fyrir þá ljóð og sögur. Dagskráin endar síðan með því að nemendur horfa á islenska kvikmynd.

________________________________________________________________

Kæru foreldrar/ forráðamenn
Nú líður að annaskilum hjá okkur. Vegna þeirra verður starfsdagur kennara mánudaginn 14. nóvember nk. og nemendur mæta því ekki í skólann þann dag.
Þriðjudaginn 15. nóvember verða viðtöl við foreldra og nemendur vegna námsmatsins og þess sem framundan er.  Öll viðtöl fara fram í skólanum á Stokkseyri.
Skólavistin Stjörnusteinar verður opin frá 8:00 – 17:00 báða dagana.
Miðönn með hefðbundinni  kennslu hefst síðan miðvikudaginn 16. nóvember.

Kv., –
Starfsfólk Barnaskólans á Eyrarbakka og Stokkseyri

________________________________________________

Í dag, þriðjudag 25. október er Barnaskólinn á Eyrarbakka og Stokkseyri 159 ára

_______________________________________________________________

Þriðjudaginn 25. okt. til föstudagsins 28. okt. er Olweusarvika í Barnaskólanum á Eyrarbakka og Stokkseyri. Verkefni vikunnar er að vinna með einkunnarorð skólans  –

Jákvæðni     Metnaður      Virðing      Heiðarleiki



Þriðjudagur
Jákvæðnidagurinn. Bekkurinn ræðir saman um einkunnarorð skólans og fer yfir hvað þau merkja og hvað er hægt að gera til þess að vinna eftir þeim. Fókusinn í dag er á jákvæðni. Tala einnig um hvernig jákvæðni tengjast einelti eða baráttu gegn því.

Föstudaginn 21. október og mánudaginn 24. október verður haustfrí í skólanum á Eyrarbakka og Stokkseyri.
Foreldrar athugið, þessa daga verður skólavistin Stjörnusteinar einnig lokuð.

Stjórnendur

_____________________________________________________________________

Við í sjötta bekk fórum í mjög vel heppnaða náttúrufræðigöngu í dag 28.09. Lögðum af stað kl. 9 eftir að hafa borðað graut og komum aftur í hús kl. 11:30.

Góða veðrið notað.
Um daginn brá Lene sér út á skólalóðina ásamt nemendum sínum, kveiktu þau upp í grillinu og bökuðu gómsætt brauð.
Hér eru myndir ásamt uppskrift að brauðinu.

Samræmd könnunarpróf verða í BES dagana 19.09 – 23.09 sem hér segir:

10. bekkur

Mán. 19.09             ÍSLENSKA    

Þri.     20.09            ENSKA

Mið.   21.09            STÆRÐFRÆÐI

Nemendur mæta í skólann á venjulegum tima þessa daga og hafa með sér þau gögn sem vera ber.

4. og 7. Bekkur

Fim.    22.09            ÍSLENSKA

Fös.    23.09            STÆRÐFRÆÐI

Nemendur mæta í skólann á venjulegum tima þessa daga og hafa með sér þau gögn sem vera ber.

Nemendur eru hvattir til að vanda undirbúning og mæta vel undirbúin í prófin.

Gangi ykkur vel!

Starfsmenn BES