Kæru forráðamenn.
Upplýsingar voru að berast skólanum þess efnis að heita vatnið verði tekið af Eyrarbakka og Stokkseyri kl. 9:00, heitavatnslaust verður fram eftir degi. Þetta þýðir að við getum ekki haldið úti skólastarfi í dag og förum við þ.a.l. í eftirtaldar aðgerðir:
- Nemendur í íþróttum á unglingastigi (8:15-9:35) komast ekki í sturtu og fara beint heim og í skólabíl, fyrst í skólann á Eyrarbakka og svo heimferð á Stokkseyri kl. 9:45. Kennslu á unglingastigi lýkur því kl. 9:35.
- Kennslu á yngra stigi lýkur 10:30 og fer skólabíll frá Stokkseyri á Eyrarbakka kl. 10:30.
- Við erum að hringja í alla forráðamenn á yngra stigi og tilkynna þeim stöðuna.
- Tölvupóstur verður sendur á alla forráðamenn, upplýsingar settar á heimasíðu og FB síðu skólans.
Starfsmenn skólans vinna heima í dag, starfsfólk verður í tölvu- og símasambandi. Við biðjumst velvirðingar á þessu og hve stuttur fyrirvarinn er.
Nánari upplýsingar veita stjórnendur.