Föstudaginn 16. september s.l. var dagur íslenskrar náttúru haldinn hátíðlegur í Barnaskólanum með gróðursetningu fallegs reynitrés í Þuríðargarði. Það var framkvæmdastjóri Árborgar, Ásta Stefánsdóttir, sem kom færandi hendi og afhenti skólanum reyninn til gróðursetningar. Það var svo Magnús J. Magnússon, skólastjóri Barnaskólans, sem plantaði gjöfinni fagmannlega með aðstoð nemenda.

Skólavökur Barnaskólans fóru fram þriðjudagana 13. og 20. september. Góð mæting var á vökurnar og góð stemning myndaðist. Skólinn kynnti helstu áherslur vetrarins, Mentor, nýtt námsmat, heilsueflingu og fleira. Nemendur fluttu tónlist undir stjórn Kolbrúnar tónmenntakennara við góðar undirtektir viðstaddra.

Þriðjudaginn 20. september fer skólavaka Barnaskólans á Eyrarbakka og Stokkseyri fyrir yngra stig fram á Stokkseyri kl. 17:30. Þar verður skólastarfið 2016-2017 kynnt nemendum, foreldrum/forráðamönnum og fjölskyldum. Nemendur 10. bekkjar verða með súpusölu í fjáröflunarskyni fyrir skólaferðalag. Mikilvægt er að sem flestir mæti og kynni sér starf vetrarins og sjái hvaða áherslur eru í skólastarfinu […]