Nemendur 4. bekkjar í BES voru beðnir að teikna myndir af jólasveinunum fyrir Sunnlenska fréttablaðið og birtast þeir daglega á forsíðu blaðsins til jóla.

http://sunnlenska.is/

Aðventa í Barnaskólanum á Eyrarbakka

Barnaskólinn á Eyrarbakka og Stokkseyri fékk úthlutað 5. desember í jóladagatali Árborgar.  Í fyrra var glugginn í skólanum á Stokkseyri en núna er hann á Eyrarbakka.

Kæru foreldrar/forráðamenn nemenda í Barnaskólanum Eyrarbakka og Stokkseyri

Dagana 8. og 9. desember verður lögð eineltiskönnun fyrir nemendur í 4.-10.bekk Barnaskóla Eyrarbakka og Stokkseyrar.

Ef einhver nemandi óskar þess að taka ekki þátt verður sú ósk að koma skriflega með undirskrift nemanda og forráðamanns.

Könnun þessi er hluti af Olweusar-áætlun skólans og allir hlutaðeigandi munu taka þátt í forvarnaráætlun Barnaskóla Eyrarbakka og Stokkseyrar með það að markmiði að vinna markvisst gegn einelti, meðal annars með fyrirbyggjandi aðgerðum.

Það er ósk okkar og von að nemendur og foreldrar verði virkir með okkur í aðgerðaráætlun Olweusar gegn einelti.

_________________________________________________

Snorri Baldursson leit við hjá 3. bekk og ræddi við nemendur um brunavarnir og ýmsar varúðarráðstafanir ásamt því hvernig á að bregðast við ef vá ber að höndum.

___________________________________________________

Í skólanum á Eyrarbakka og Stokkseyri er hátíðardagskrá í tilefni dagsins.
Dagskrá hófst með ávarpi skólastjórnenda. Í framhaldi héldu nemendur í heimastofur og tóku til við bókagerð þar sem hver bók inniheldur a.m.k. eitt frumsamið ljóð eða sögu, ljóð eftir íslenskan höfund, myndir og skreytingar.
Eldri nemendur á Eyrarbakka heimsóttu nemendur á Stokkseyri og lásu fyrir þá ljóð og sögur. Dagskráin endar síðan með því að nemendur horfa á islenska kvikmynd.

________________________________________________________________