Stofnaður hefur verið unglingakór Barnaskólans á Eyrarbakka og Stokkseyri og er það í fyrsta sinn í mörg ár sem það er gert. Stjórnandi kórsins verður Kolbrún Hulda Tryggvadóttir og munu æfingar fara fram í tónmenntastofu skólans á Stokkseyri á mánudögum kl. 14:30-15:10. Ýmislegt verður brallaði í vetur, kórferðalög, tónleikar og ýmislegt er á dagskránni. Nánari […]

Föstudaginn 16. september s.l. var dagur íslenskrar náttúru haldinn hátíðlegur í Barnaskólanum með gróðursetningu fallegs reynitrés í Þuríðargarði. Það var framkvæmdastjóri Árborgar, Ásta Stefánsdóttir, sem kom færandi hendi og afhenti skólanum reyninn til gróðursetningar. Það var svo Magnús J. Magnússon, skólastjóri Barnaskólans, sem plantaði gjöfinni fagmannlega með aðstoð nemenda.

Skólavökur Barnaskólans fóru fram þriðjudagana 13. og 20. september. Góð mæting var á vökurnar og góð stemning myndaðist. Skólinn kynnti helstu áherslur vetrarins, Mentor, nýtt námsmat, heilsueflingu og fleira. Nemendur fluttu tónlist undir stjórn Kolbrúnar tónmenntakennara við góðar undirtektir viðstaddra.