Fréttir

Í morgun var Litla upplestrarhátíðin í 4. bekk haldin. Nemendur bekkjarins voru búnir að æfa sig undir dyggri handleiðslu Gunnars Geirs umsjónarkennara og fleiri og stóðu sig alveg rosalega vel. Æfingin skapar meistarann og það sannaðist heldur betur. Nemendur buðu foreldrum sínum á hátíðina og gaman var að sjá hversu margir gáfu sér tíma til

Mikið snjóaði í nótt og illfært er að skólunum og aðstæður erfiðar og því mun skólabíllinn ekki keyra þennan morguninn. Við bíðum svara varðandi framhaldið í dag frá GTS. Skólinn opnar á venjulegum tíma og við tökum við börnunum en því miður er ekki morgunakstur. Við setjum inn tilkynningu hér um leið og við höfum

Einn góðan dag í mars mætti Eyjólfur Eyjólfsson þjóðfræðingur, tónlistarmaður og tónskáld í tónmenntatíma hjá 6. bekk.  Þar kynnti hann fyrir nemendum langspil, sögu þess og notkun.  Nemendur fengu svo að prófa hinar ýmsu aðferðir við að spila á langspil m.a. plokka og nota boga eða fjöður.  Nemendur sýndu þessu áhuga og skemmtu sér vel.

Nemendur í 8. – 10. bekk fengu heimsókn í lífsleiknitíma í vikunni. Það var listasmiðja í boði Listasafns Árnesinga sem ber nafnið ,,Memory, architecture and Identity“. Leiðbeinandinn heitir Yara Zein en hún kemur frá Líbanon og hefur verið búsett á Íslandi í eitt og hálft ár. Hún fjallaði um samfélagsleg málefni í Líbanon, ólíkan menningarheim

Við óskum nemendum og fjölskyldum þeirra gleðilegra páska.    Sjáumst aftur þriðjudaginn 11. apríl, þá hefst skóli aftur samkvæmt stundaskrá 🙂

Í dag var Stóra upplestrarkeppni Árborgar 2023 haldin við hátíðlega athöfn í Sunnulækjarskóla. Þar öttu kappi níu frambærilegir nemendur úr Vallaskóla, Sunnulækjarskóla og Barnaskólanum á Eyrarbakka og Stokkseyri, þrír frá hverjum skóla. Fulltrúi frá BES, Kristrún Birta Guðmundsdóttir, lenti í 3ja sæti og hlaut hún bæði viðurkenningu og verðlaun fyrir. Skólinn hlaut einnig viðurkenningu fyrir

Á hverju ári er Stóra upplestrarkeppnin haldin hátíðleg með nemendum í 7. bekk. Stóru upplestrarkeppninni er ýtt úr vör á degi íslenskrar tungu 16. nóvember en þá er sérstök áhersla lögð á lestur og nemendur hvattir til að vera duglegir að lesa alls konar texta. Í morgun var svo forkeppni innan Barnaskólans á Eyrarbakka og

Nemendur í 5. bekk í Barnaskólanum á Eyrarbakka og Stokkseyri voru þessa og síðustu viku í textílsmiðju sem var samstarfsverkefni skólans, Listasafns Árnesinga og Ástu Guðmundsdóttur. Listasafn Árnesinga fékk hina ýmsu listamenn til að fara með margvíslegar smiðjur í skólana, skólunum að kostnaðarlausu. Við í BES erum einstaklega þakklát fyrir svona skemmtilegt samstarf í nærsamfélaginu.

Starfsfólk og nemendur Barnaskólans á Eyrarbakka og Stokkseyri þakka íbúum og öðrum velunnurum skólans fyrir heimsóknina í dag á opið hús í nýbyggingu skólans á Eyrarbakka. Það voru fjölmargir sem komu og gæddu sér á vöfflum með rjóma og skoðuðu húsnæðið. Það var ekki annað að sjá en að íbúar væru ánægðir með aðbúnaðinn og