Á vorönn mun Dale Carnegie bjóða upp á námskeiðið „Næsta kynslóð“ fyrir ungmenni á aldrinum 14 – 16 ára (fædd 2004-2006). Námskeiðið er haldið í samstarfi við félagsmiðstöðina Zelsiuz og forvarnarhóp Sveitarfélagsins Árborgar. Námskeiðið er í 9 skipti, einu sinni í viku í 3,5 tíma í senn og verður haldið á fimmtudögum. Námskeiðið hefst fimmtudaginn […]

Mánudaginn 3. febrúar n.k. er skipulagsdagur kennara og fellur því venjulegt skólahald niður. Þriðjudaginn 4. febrúar er nemenda- og foreldraviðtaladagur þar sem nemendur mæta með foreldrum eða forráðamönnum í viðtal hjá umsjónarkennara. Viðtölin fara fram í skólahúsnæðinu á Stokkseyri og erum foreldrar/forráðamenn hvattir til að bóka viðtalstíma á Mentor.

Nemendur og starfsfólk Barnaskólans á Eyrarbakka og Stokkseyri fögnuðu Þorra síðastliðinn Bóndadag með samsöng á sal skólans. Þorraþrællinn var sunginn ásamt nokkrum vel völdum lögum. Að sjálfsögðu var svo boðið upp á dýrindis þorramat í hádeginu við miklar og góðar undirtektir.